ప్రవీణ్‌ 'బకాసుర రెస్టారెంట్‌' ట్రైలర్‌ విడుదల!
పలు విజయవంతమైన చిత్రాలతో మంచి నటుడిగా, కమెడియన్‌గా అందరికి సుపరిచితుడైన ప్రవీణ్‌ ప్రధాన పాత్రలో రూపొందుతున్న చిత్రం 'బకాసుర రెస్టారెంట్‌', ఈ చిత్రంలో వైవా హర్ష టైటిల్ రోల్లో నటిస్తున్నారు. కృష్ణభగవాన్‌,షైనింగ్‌ ఫణి, కేజీఎఫ్‌ గరుడరామ్‌,ఇతర ముఖ్య పాత్రలో యాక్ట్‌ చేస్తున్నారు. ఎస్‌జే శివ దర్శకుడిగా పరిచయం కాబోతున్న ఈ చిత్రాన్ని ఎస్‌జే మూవీస్‌ పతాకంపై లక్ష్మయ్య ఆచారి, జనార్థన్‌ ఆచారి ఈ సినిమాను నిర్మిస్తున్నారు. చిత్రీకరణ పూర్తిచేసుకున్న ఈ చిత్రం విడుదలకు సిద్దమైంది. హంగర్‌ కామెడీ ఎంటర్‌టైనర్‌గా రూపొందుతున్న ఈ చిత్రం ట్రైలర్‌ను శుక్రవారం విడుదల చేశారు మేకర్స్‌. ఈ కార్యక్రమానికి ప్రముఖ దర్శకుడు మారుతి ముఖ్య అతిథిగా విచ్చేసి ట్రైలర్‌ను విడుదల చేశారు.
ఈ సందర్భంగా ప్రవీణ్‌ మాట్లాడుతూ ''బకాసుర రెస్టారెంట్‌ త్వరలో మీ ముందుకు రాబోతుంది.మా ట్రైలర్‌ మారుతి గారి చేతుల మీదుగా విడుదల కావడం హ్యపీగా ఉంది. ఆయన దర్శకత్వంలో వచ్చిన ప్రేమకథా చిత్రం నా కెరీర్‌ సెట్‌ కావడానికి ఎంతో ఉపయోగపడింది. ఈ రోజు మరోసారి ఆయన నా సినిమా ట్రైలర్‌కు రావడం ఆనందంగా ఉంది.ఆయనకు నా కృతజ్ఞతలు" అన్నారు. మారుతి మాట్లాడుతూ '' ఈ సినిమాకు టైటిల్‌తోనే విజయం సాధించారు. మంచి టైటిల్ పెట్టారు. సినిమా కూడా బాగుంటుందనే ఫీల్‌ కలుగుతుంది. మంచి పాజిటివ్‌ వైబ్‌ ఉంది. చాలా రోజుల నుంచి ప్రవీణ్‌ను లీడ్ రోల్లో చూడాలనుకుంటున్నాను. ఈ రోజుకు కుదిరింది. డెఫినెట్‌గా ఈ సినిమా ప్రవీణ్‌ కెరీర్‌కు మరో మైలురాయిగా నిలుస్తుంది. తప్పకుండా ఈ సినిమా ఆడియన్స్‌ అందరికి నచ్చుతుందనే నమ్మకం ఉంది. ఈ సినిమా తప్పకుండా విజయం సాధించి ఈ సినిమా యూనిట్‌ అందరికీ మంచి పేరు తీసుకరావాలని కోరుకుంటున్నాను" అన్నారు. నిర్మాత జనార్థన్‌ ఆచారి మాట్లాడుతూ '' శివ ఈ లైన్‌ చెప్పగానే బాగా నచ్చింది. వెంటనే ఈ పాత్రకు ప్రవీణ్‌ అనుకున్నాం. పాత్రకు తగ్గ ఆర్టిస్టులు ఈ సినిమాకు కుదిరారు. ఆర్టిస్టులు అందరూ ఎంతో సపోర్ట్‌ చేశారు. కేజీఎఫ్‌ గరుడ రామ్‌ పాత్రతో పాటు అందరికీ ఈ చిత్రం అందరికి నచ్చుతుంది"అన్నారు. దర్శకుడు ఎస్‌జే శివ మాట్లాడుతూ ''మా చిత్రం ద్వారా బకాసుర రెస్టారెంట్‌ చిత్రంతో ప్రవీణ్‌ను ముఖ్య పాత్రలో పరిచయం చేయడం ఆనందంగా ఉంది. ఈ చిత్రం ఆయనకు బిగ్‌ సక్సెస్‌ను ఇస్తుంది. వైవా హర్ష టైటిల్ రోల్లో నటిస్తున్నాడు. ఇలాంటి కథతో ఇప్పటి వరకు తెలుగులో సినిమా రాలేదు. సినిమాలో ప్రతి పాత్ర ఎంతో బాగా డిజైన్‌ చేసుకున్నాం. మా టెక్నిషియన్స్‌ ఎంతో సపోర్ట్‌ చేశారు. తప్పకుండా చిత్రం అందర్ని అలరిస్తుందనే నమ్మకం వుంది"అన్నారు. వైవా హర్ష మాట్లాడుతూ '' ఈ సినిమా అందరికి బెంచ్‌ మార్క్‌ ఫిల్మ్‌ అవుతుంది. దర్శకుడు ఎంతో అనుభవం ఉన్న దర్శకుడిలా సినిమాను హ్యాండిల్‌ చేశాడు. కుటుంబంతో కలిసి అందరూ చూడదగ్గ చిత్రమిది. ప్రవీణ్‌ కు ఈ సినిమాతో మంచి పేరు వస్తుంది. ఇది ట్రెండింగ్‌ జానర్‌ అయిన హారర్‌ జోనర్‌ సినిమా కాబట్టి తప్పకుండా విజయం సాధిస్తుంది. అందరూ థియేటర్‌లో ఎంజాయ్‌ చేయల్సిన సినిమా ఇది" అన్నారు.
ప్రవీణ్‌, వైవా హర్ష, షైనింగ్‌ ఫణి (బమ్‌చిక్‌ బంటి), కేజీఎఫ్‌ గరుడ రామ్‌, కృష్ణభగవాన్‌, శ్రీకాంత్‌ అయ్యంగార్‌, ఉప్పెన జయకృష్ణ, వివేక్‌ దండు, అమర్‌, రామ్‌పటాస్‌, రమ్య ప్రియ, ప్రాచీ ఠాకూర్‌, జబర్థస్త్‌ అప్పారావు తదితరులు నటిస్తున్న ఈ చిత్రానికి డీఓపీ: బాల సరస్వతి, ఎడిటర్‌: మార్తండ్‌.కె.వెంకటేష్‌, సంగీతం: వికాస్‌ బడిస, ఎగ్జిక్యూటివ్‌ నిర్మాత: వినయ్‌ కొట్టి, ఆర్ట్‌ డైరెక్టర్: శ్రీ రాజా సీఆర్‌ తంగాల, పీఆర్‌ఓ: ఏలూరు శ్రీను, మడూరి మధు, నిర్మాతలు: లక్ష్మయ్య ఆచారి, జనార్థన్‌ ఆచారి, దర్శకత్వం: ఎస్‌జే శివ.
